廿幾歲少女，入嚟本身係想攞假紙。佢話琴日發高燒但係今日退左，但係有少少暈。見親D女人話暈，我都會循例問佢有冇可能係大肚。本來諗住佢好似其他嗰啲少女咁，會偷偷地笑，跟住Fing晒手話冇可能。點知同我講話唔知有冇。之後再問佢使唔使驗孕，佢話唔使啦都係遲幾日姐。不過佢每次都係差唔多30日都會黎。
嗱，如果你覺得你做錯事，就算遲一日你都已經好驚青啦！咁我諗住佢咁淡定應該冇事嘅。咁我又循例問佢上次經期第一日係幾時，佢竟然答話係10月尾！！！！我以為我聽錯！我問多句即係你11月冇黎，但係依家12月尾都嚟緊啦窩！就黎兩個月冇啦喎？佢呆左幾秒，跟住好似諗通咗啲嘢，之後就喺度爆喊。
佢唔知而家就嚟聖誕節啦咩？我已經準備好心情做冬/食聖誕大餐/食Buffet/食Buffet/食Buffet etc. 同拆禮物！佢唔知佢M無黎個幾月啦咩？如果真係有咗佢今日係7個幾禮拜啦窩！
佢問我點樣驗孕，係咪我寫紙俾佢排公家？（乜而家啲少女咁天真嘅咩？）我話你痾篤尿俾我依家幫你驗就得㗎啦。點知佢耍手擰頭，話唔想知唔想驗。阿姐，你唔想知唔代表會改變到個事實～有啲嘢早啲知好啲！有啲決定唔拖得㗎！
佢一路係咁慎鼻涕抹眼淚，我都唔勸得掂佢。最後我話你攞張假紙好好休息下，你自己諗清楚，再搵人幫手。最好係屋企驗左孕先再搵醫生。祝你好運！ --> 嗱我都有俾假紙㗎🤣🤣🤣🤣 （誤）
佢咁樣我都廢事提佢其實呢個世界上係有事後丸呢家野～～
冰雪聰明嘅讀者們你哋知㗎可？但係最好就做咗安全措施啦。搞出人命同性病呢啲唔特別講啦，自己執生啦～
###
喺我哋做過實習之後極速逃走嘅小姑娘3，好好咁今日過嚟派韓國手信。嗱，人哋送禮物俾我，唔好又話我賣廣告🤣～ 多謝曬😍😍
Search